Институтот на сметководители и овластени сметководители (ИСОС) потпиша меморандум за соработка со Меѓународниот Балкански универзитет, со што се воспоставува основа за подлабока соработка насочена кон развојот на младите професионалци и поттикнување на иновации во професијата.
Соработката е насочена кон поврзување на академското знаење со практичната примена, овозможувајќи им на студентите да стекнат релевантни вештини, искуство и подобро разбирање на современите професионални текови.
Преку ова партнерство ќе се реализираат заеднички едукативни и развојни активности кои ќе придонесат за унапредување на знаењата, поттикнување на истражување и иновации, како и за јакнење на капацитетите на идните кадри.
Во услови на брза дигитална трансформација и зголемени барања за нови вештини, ваквите иницијативи играат клучна улога во подготовката на младите за современите предизвици на пазарот на труд.
Со ова, ИСОС продолжува да инвестира во развојот на нова генерација професионалци кои ќе ја движат професијата напред и ќе придонесуваат кон нејзина поголема видливост, релевантност и атрактивност.
Со почит, Скопје, март 2026
ИСОС
ISOS